Cuira Turissem survegn in nov mainafatschenta. Fabian Maasch è vegnì elegì da la suprastanza sco successur da Renya Heinrich, hai num en la communicaziun da l'organisaziun da turissem regiunala. Maasch ha 33 onns ed è creschì si a Cuira. Dapi la stad passada è el stà il substitut da la mainafatschenta. Ordavant ha el tranter auter lavurà en differentas posiziuns tar la Viafier retica.
En ils ultims dus onns hai dà pliras midadas al timun da Cuira Turissem. Il 2022 ha Marc-Andrea Barandun surpiglià la posiziun da Leonie Liesch. Be dus mais suenter sia elecziun ha el dentant decis da bandunar Cuira Turissem e Bruno Gantenbein ha surpiglià la direcziun ad interim. Anc il 2022 è lura Renya Heinrich daventada nova directura.
audio
Par tadlar: las novitads da las 16:00
ord RTR Audio dals 21.02.2024.
laschar ir. Durada: 3 minutas 6 Secundas.
