Renya Heinrich succeda a Bruno Gantenbein ch’aveva surpiglià il timun ad interim. Heinrich ha 47 onns ed è tranter auter stada directura da «marketing & sales» tar il Silvretta Parkhotel a Claustra, CEO da Zug Turissem ed er manadra da project en la sparta marketing e communicaziun tar la Viafier retica.
Ensemen cun la nova directura vul la suprastanza da l'organisaziun turistica analisar ed optimar ils proxims mais las purschidas. Plinavant veglian ins intensivar la collavuraziun turistica cun la citad da Cuira u las vischnancas partenarias.
Suenter Leonie Liesch e Marc-Andrea Barandun è la spezialista da turissem la terza persuna che surpiglia quest onn il timun da l’organisaziun. Bruno Gantenbein aveva surpiglià ad interim la direcziun suenter che Marc-Andrea Barandun aveva decis da bandunar Cuira Turissem be dus mais suenter sia elecziun.
