Tenor Svenja Simmen dal Plantahof n'hajan las bleras alps en il Grischun actualmain nagin problem en connex cun sitgira, perquai ch'igl haja adina puspè dà plievgia. La plievgia dals ultims dis haja gidà d'emplenir las reservas, uschia ch'i dettia avunda aua per ils animals da baiver e per la producziun da chaschiel.
Dentant spetga Svenja Simmen, che la sitgira vegnia a daventar in tema pli grond ils proxims onns sin las alps, cunzunt sch'i dat ina stad cun pauca plievgia. Pervia da quai saja impurtant ch'ils manaschis d'alp controlleschian tut las infrastructuras da las tschiffadas da las funtaunas per valitar, sche quellas na perdian betg memia blera aua.
Vitiers saja impurtant da protocollar quanta aua che vegn propi duvrada sin l'alp, per exempel per la producziun da chaschiel.
Or da l'archiv:
La stad dal 2022 è stada marcada da d'ina sitgira extraordinaria – da quai ha era la producziun da chaschiel patì fermamain:
