Questa stad han gia passa 58'000 giasts fatg il traject cun l'auto da posta da Scuol a S-charl u puspè enavos.
Jau m'allegr adina sin ils viadis en S-charl. Las colurs sa midan mintg'ura, il sulegl stat adina auter, ed ussa l'atun è il pli bel temp.
Quel traject è in spezial – el passa il Parc Naziunal Svizzer ed è gia in spectacul avant ch'ins è en il vitg. Per il manischunz d'auto da posta Michel Ebben è quai ses traject preferì perquai ch'i dat uschè bler e bel da vesair.
-
Bild 1 von 4. Il manischunz Michel Ebben fa il pli gugent il traject a S-charl. Bildquelle: RTR.
-
Bild 2 von 4. Bildquelle: RTR.
-
Bild 3 von 4. La plazza dal vitg a S-charl. Bildquelle: RTR.
-
Bild 4 von 4. Ils giasts spetgan sin la plazza dal vitg per ir puspè enavos a Scuol cun la posta. Bildquelle: RTR.
Era sch'ils autos da posta èn fullanads – memia blers giasts na sajan quai betg. Era il chatschader Roger Bischoff che ha ina chasa a S-charl di che las schurmas da persunas na sajan betg in problem per els. Els giaudian lura la ruassaivladad cura ch'igl è in zic pli quiet e pli pauc travasch en la val.
Hotelier en il spurt final da la stagiun
Il possessur da L'hotel Mayor a S-charl, Dominique Mayor, di ch'el saja cuntent cun la stagiun. Els hajan anc avert enfin ils 26 d'october e tut las stanzas sajan reservadas. Ussa segua anc in'emna da gestiun, nua che la posta na vegn betg pli a S-charl, uschia vegnan ils giasts mo pli cun auto, cun velo u a pe a S-charl.
-
Bild 1 von 6. Entant è il vitget da S-charl anc plain vita. Bildquelle: RTR.
-
Bild 2 von 6. L'hotel Mayor a S-charl attira blers giasts. Bildquelle: RTR.
-
Bild 3 von 6. Il chatschader Roger Bischoff avant sia chasa a S-charl. Bildquelle: RTR.
-
Bild 4 von 6. Bildquelle: RTR.
-
Bild 5 von 6. Bildquelle: RTR.
-
Bild 6 von 6. Bildquelle: RTR.