Venderdi saira è la baselgia san Martin a Trun stada emplenida cun persunas da tut las generaziuns. La giuventetgna ha prelegì texts, l'uvestg Bonnemain ha tegnì sia pregia era envers ils giuvens e las giuvnas ed igl è vegni chantà e fatg musica ensemen.
Ins vesa che dapli giuvens èn qua. Uschia pensan’ins: okay, jau tutg era qua tiers.
-
Bild 1 von 3. Las trais giuvnas Janina Dolf, Hannah Pfister e Janina Simeon. Bildquelle: RTR.
-
Bild 2 von 3. Las giuvnas che chantan en il chor durant la emprova avant la messa. Bildquelle: RTR.
-
Bild 3 von 3. Rilana Cadruvi Scherrer a diriger il cor. Bildquelle: RTR.
Per bleras giuvnas e giuvens che han visità la messa è la religiun impurtanta, ellas ed els crain en Dieu. Tuttina fan els ed ellas patratgs davart la baselgia catolica e vesan era las varts criticas, uschia per exempel sch'i va per la rolla da las dunnas en la baselgia catolica.
Jau crai, sche nus prendessan davent tut las dunnas ch'èn en uffizi da la baselgia lura fiss quella quasi morta.
Rilana Cadruvi Scherrer ed Isabelle Defuns, che han organisà questa messa, vesan las dunnas sco fitg impurtantas en la baselgia catolica – quai saja gia adina stà uschia. Ellas fan cun plaschair lur lavurs ed èn da buna speranza per il futur.
D'ir a messa saja numnadamain er in'experientscha da cuminanza, dian las giuvnas ed ils giuvens ch'èn sa rimnads en baselgia a Trun.
Jau hai era gia patratgà co ch'i fiss d'ir ora da la baselgia. Jau chat dentant anc bel d'avair la cuminanza.
Uschia è la baselgia er in lieu per vegnir ensemen e far patratgs davart dumondas grondas e l'atgna vita. L'uvestg, Joseph Maria Bonnemain, vesa gist quai sco ina da las bellas chaussas. El haja fidanza en la giuventetgna. Els ed ellas derasian uschè in'allegrezza e fidanza vers anora, che quai sa transmettia era sin auters. Uschia sa midia il mund.
-
Bild 1 von 4. l'uvestg arriva en Baselgia a Trun. Bildquelle: RTR.
-
Bild 2 von 4. l'uvestg Joseph Maria Bonnemain discurra envers ils giuvens e las giuvnas . Bildquelle: RTR.
-
Bild 3 von 4. Bildquelle: RTR.
-
Bild 4 von 4. la giuventetgna duess notar lur giavischs. Bildquelle: RTR.