En il Grischun crescha il dumber da lufs cuntinuadamain. La populaziun dals animals è en la fasa da creschientscha exponenziala ed ils custs per il management d’animals gronds creschan. Tenor la regenza han ils lufs custà l'Uffizi chantunal da chatscha passa 870’000 francs il 2022.
L'uffizi ha investì passa 10’000 uras da lavur en il management dals lufs. Quai èn 1’500 uras dapli che l’onn avant.
Survista sur dals custs
- 873'000 francs e 10'113 uras da lavur tar l’Uffizi da chatscha per il management dal luf.
- 395'000 indemnisaziuns per animals stgarpads. Da quai 54'000 per nursas sparidas. Da quai vegnan 80% surpigliads da la Confederaziun.
- 4'700 uras tar il Plantahof per cussegliaziuns da protecziun da muntaneras.
- 115'000 francs cussegliaziun spezialisada sin chauns da protecziun da muntaneras – 43% dapli che l’onn avant.
- 97'000 francs contribuziuns en connex cun chauns da protecziun – in augment da 52%.
- 110 uras da lavur e 56'000 francs per differents custs tar l'Uffizi per agricultura e geoinformaziun.
- Custs da persunal augmentads tar l'Uffizi per la segirezza da victualias e per la sanadad d'animals.
audio
Per tadlar: curt e cumpact
ord RTR Audio dals 15.02.2023.
laschar ir. Durada: 1 minuta 10 Secundas.
