Siglir tar il cuntegn

Header

Via che vegn catramada.
Legenda: Keystone
cuntegn

Affera da cartels Uss vegn la giustia activa

La procura publica dal Grischun haja avert ina inquisiziun penala encunter nunenconuschent, ha ditg il procuratur public Bruno Ulmi sin dumonda da la «NZZ am Sonntag». Ins veglia sclerir sche las cunvegnas sajan colliadas cun corrupziun da funcziunaris.

La procura publica observeschia ed analiseschia gia dapi pli ditg il svilup enturn il cartel, entant bastian ils indizis per instradar ina inquisiziun. Latiers fa il procuratur public allusiun a las renfatschas, che collavuraturs da l'uffizi da construcziun bassa duain avair profità da las cunvegnas da pretschs.

10 dis suenter la decisiun da la WEKO

Avant 10 dis aveva la WEKO publitgà ina ulteriura decisiun davart il cartel e chastià 12 firmas da construcziun grischunas cun radund 11 milliuns francs. Quellas duain avair fatg tranter il 2004 ed il 2010 submissiuns en l'entir chantun en la valita da 190 milliuns francs.

Video
WEKO – decisiun cartel da construcziun da vias
Or da Telesguard dals 03.09.2019.
abspielen

RR novitads 6:30