Siglir tar il cuntegn

Header

cuntegn

Banca naziunala svizra Grischun survegn 62 milliuns grazia a la BNS

62 milliuns francs supplementars survegn il chantun Grischun grazia al grond gudogn da la Banca naziunala Svizra. Sco quai che la gasetta Südostschweiz scriva sajan quai radund 30 milliuns francs dapli che l'onn avant. Uschia pudess il deficit budgetà per quest onn – da 33 milliuns francs – quasi vegnir eliminà.

Avant dus dis è vegnì enconuschent che la Banca naziunala svizra paja grazia a sias grondas reservas duas ulteriuras milliardas francs. Chantuns e Confederaziun survegnan uschia 4 milliardas francs, dus terzs da quai va als chantuns. La cunvegna supplementara valia er per l’onn current.

RTR novitads 06:00