Il problem na saja per part betg mo la materia e la teoria che n'è betg stada clera, mabain er la pratica d'emprender sur sasez. Quai di Patrik Degiacomi, responsabel per l’insctrucziun da scola a Cuira:
audio
Patrik Degiacomi «Tscherts uffants han schizunt fatg in pass enavos durant quels dus mais»
ord Actualitad dals 25.05.2020.
Maletg: RTR
laschar ir. Durada: 26 Secundas.
6 fin 7 emnas vs. 11 onns da scola
Er Alexi Nay, inspectur da la Surselva ha manegià, ch’ils pedagogs curativs hajan gì stretg contact cun scolars pli flaivels. Quels hajan duvrà durant quellas emnas surveglianza speziala.
La finala sajan quai mo stà dus mais da scola sut circumstanzas spezialas. Sch’ins cumpareglia quai cun ils 11 onns scolaziun dals uffants, saja quai ina pitschna part che vegnia a mancar als scolars.
Jau na vi betg malegiar il diavel vid la paraid.
Ils scolars sajan svelt abels da reactivar la savida ch'in u l’auter ha forsa pers. Uschia na vesa Nay l'instrucziun a distanza betg be sco punct negativ.
