La Banca Chantunala Grischuna haja survegnì 250 dumondas per credits durant l'emprim di. Quai di Thomas Roth, commember da la direcziun. Fatschentas ord differentas branschas sco il turissem, la gastronomia u er l'industria hajan fatg dumondas. Tut ils credits che la banca haja dà ora, sajan stà credits da l'emprim stgalim, pia fin 500'000 francs.
Thomas Roth quinta ch'il dumber per dumondas da credits vegn er a restar il proxim temp aut tar la Banca Chantunala Grischuna.
audio
Ils credits d'urgenza èn dumandads tar las bancas
ord Actualitad dals 27.03.2020.
laschar ir. Durada: 2 minutas 44 Secundas.
Er bancas pli pitschnas han gia durant l'emprim di survegnì dumondas per credits. La Banca Raiffeisen Engiadina/Val Müstair radund 50, di il manader Thomas Malgiaritta. Els hajan dà credits per bun 4,1 milliuns francs, credits che giajan da 20'000 fin 350'000 francs.
