In onn suenter la chauma da dunnas istorica hai er quest onn dà manifestaziuns en numerusas citads svizras, uschia er en la chapitala grischuna. A Cuira èn sa radunadas radund 150 persunas ad ina chauma da seser. Durant in'ura èn surtut dunnas sesidas giun plaun sin la via da la staziun fin tar il Manor – e quai mintgamai cun dus meters distanza.
Ord vista d'ina da las organisaturas, Angela Thiele, è la manifestaziun a Cuira stada in success:
Il punct cultminant da la chauma è stà da las 15:24. Pertge tar in di da lavur fin las 17:00 lavuran las dunnas a partir da quellas uras gratuit. Durant 6 minutas han las dunnas perquai fatg canera tranter auter cun chazzettas e bastuns.