Siglir tar il cuntegn

Header

cuntegn

Entira stagiun d'enviern Territoris da skis restan averts

Sin pistas grischunas pon ins ir enfin la fin da la stagiun cun skis. La regenza grischuna ha prolungà la lubientscha dals manaschis. Da laschar avert ils territoris da skis saja pussibel grazia al concept da testar sco er a la situaziun epidemiologica, communitgescha la regenza. Cun far tests da massa regulars possian ins franar la pandemia. L'analisa da las datas dals tests da massa da pilot hajan mussà quai. En pli possian ils tests da massa remplazzar mesiras restrictivas.

Sco las experientschas dals ultims mais mussian, n'hajan ils territoris da skis averts naginas consequenzas negativas sin il svilup da la pandemia, hai num vinavant. En cas che quella situaziun sa midass, pudess la regenza tuttina decider da serrar territoris da skis.

Squitsch da Berna

Sch'il Grischun lascha er avert vinavant las terrassas en ils territoris da skis, lura pudess quai esser a fin cun ir cun skis en Grischun. Cunquai ch'il chantun Grischun na suonda betg a las reglas che vegnan da Berna, smanatscha cusseglier federal Alain Berset da serrar ils territoris da skis che laschan avert las terrassas.

RTR novitads 10:00

Artitgels legids il pli savens

Scrollar a sanestra Scrollar a dretga