Las mesiras encunter il Coronavirus paran d'avair effect. Tenor la media chantunala Marina Jamnicki sajan ins sin buna via. La curva vegnia er en il Grischun adina pli planiva. Ils ultims trais dis hai dà adina pli paucs cass novs. Il mument datti 680 cass confermads, 38 persunas sajan ospitalisadas.
Jau na sai er betg guardar en l'avegnir. Ma sche las mesiras han vinavant quest effect, vegni adina pli ruassaivel.
Il pli ferm pertutgads dal coronavirus sajan anc adina l'Engiadin'Ota sco er las valladas talianas Moesa ed il Puschlav. En la staziun intensiva èn pel mument 7 persunas, la gronda part a Cuira. Fin uss maximalmain 11 persunas il medem mument sin las staziuns intensivas.
Il chantun ha er appellà a las persunas cun scolaziun en ina professiun da tgira, che na lavuran dentant betg pli en quella, da s'annunziar. Quellas glistas da nums sajan tar las instituziuns da sanadas. Sch'ellas han basegn da persunal dumondan quellas directamain las persunas sin las glistas.
