Siglir tar il cuntegn

Header

Trais uffants in sper l'auter en in baun da scola.
Legenda: Distanza na vala betg per ils uffants. Keystone
cuntegn

Mesiras per la scola Distanza tranter magistraglia ed uffants

Il chantun ha precisà tge mesiras che valan a partir dals 11 da matg cun l'avertura da las scolas. Sper las reglas d'igiena vali per scolastas e scolasts da tegnair distanza cun ils uffants. Tegnair distanza tranter ils scolars perscriva il chantun dentant betg.

Sin basa da las decisiuns da la Confederaziun ha il chantun decis che la fasa da scola a distanza vegn serrada giu. A partir dals 11 da matg vul il Grischun turnar enavos tar in manaschi pli u main normal cun instrucziun en classa. Quai vala per tut ils stgalims da la scolina enfin la terza classa secundara e reala. Uss ha l'Uffizi chantunal per l'educaziun anc precisà las reglas da cumportament en ina brev a las autoritads da scola:

  • Tegnair distanza: tranter la magistraglia ed ils uffants vali da tegnair distanza, er creschids duain tegnair distanza
  • Nagina distanza tranter ils uffants, cunquai ch'uffants na portian e na dettian tenor il BAG betg uschè tgunsch vinavant il virus, na dovria nagina regla da distanza tranter scolaras e scolars
  • Reglas d'igiena
  • Nagin barat da da mangiar e da baiver
  • Evitar grondas gruppas d'uffants
  • Geniturs duain betg vegnir sin l'areal da scola
  • Scolaras e scolars che na pon betg prender part a l'instrucziun en classa survegnan il material per lavurar a chasa vid ils cuntegns da scola, i dat dentant nagina instrucziun a distanza

Responsabels per realisar questas mesiras èn ils manaders da scola. Tenor l'uffizi chantunal manchian anc inqual indicaziun definitiva. Tranter auter quants uffants che dastgan esser en la stanza da scola.

RTR novitads 17:00

Artitgels legids il pli savens

Scrollar a sanestra Scrollar a dretga