Siglir tar il cuntegn

Header

audio
«I pudess dar in enviern gnanc uschè mal en il Grischun»
Or da Actualitad dals 19.11.2020.
laschar ir. Durada: 02:39 minutas.
cuntegn

Minister d'economia GR «Ins na po betg cumparegliar la Svizra cun l'Austria»

La strategia da la Svizra è autra che quella da l'Austria. Lezza ha decidì da far in lockdown – tranter auter er per salvar la stagiun d'enviern. La situaziun en l'Austria è dentant betg da cumparegliar cun quella en Svizra, quai di Marcus Caduff.

La strategia da la Svizra n'è betg la medema sco en l'Austria. Las restricziuns èn bler pli pauc severas e quai saja er bun uschia, manegia il minister d'economia dal Grischun Marcus Caduff.

Igl è ina strategia che na va betg cun il martè grond viaden, mabain emprova plitost da reglar quai cun il scalpel fin.
Autur: Marcus Caduffcusseglier guvernativ

Ins stoppia dentant er vesair ch'ins na possia betg cumparegliar la Svizra cun l'Austria. Lezza saja numnadamain bler pli dependenta dals giasts da l'exteriur, cunzunt da la Germania, che la Svizra. Cun mesiras bler pli pauc strictas va la Svizra ina tut autra via che l'Austria. Tuttina n'ha Marcus Caduff betg tema per la stagiun d'enviern, er cunquai ch'el quinta cun giasts indigens.

video
Austria è dapi oz en il lockdown – Ed il Grischun, Marcus Caduff?
Or da Telesguard dals 17.11.2020.
laschar ir

Ma la finala dependa la stagiun d'enviern dentant betg mo dal svilup dal coronavirus. Mabain sco tar envierns normals er, da l'aura e da la situaziun da naiv.

RTR actualitad 07:00

Artitgels legids il pli savens

Scrollar a sanestra Scrollar a dretga