Siglir tar il cuntegn

Header

purtret d'ina sutgera vida.
Legenda: Keystone
cuntegn

Pendicularas dal Grischun 9% pli paucs giasts durant il favrer

Las Pendicularas dal Grischun han nudà il favrer in minus da 9% tar ils giasts cumpareglià cun la medema perioda da l’onn passà. L’entira stagiun d’enviern saja il dumber da giasts sa reducì per 22%. La svieuta da transport saja sa reducida per 21% u 40 milliuns francs. Quai han communitgà las Pendicularas dal Grischun.

En vista a las circumstanzas saja quest resultat acceptabel. Pauc chapientscha hajan las pendicularas dentant per la serrada da las terrassas en ils territoris da skis.

Pervi da la muntada dals giasts da l'exteriur per la fatschenta da Pasca quintan las pendicularas cun in minus da radund 30% per l'entira stagiun. Davart il svilup en la gastronomia en ils territoris da skis na dettia anc naginas cifras concretas. Sin basa da resuns e stimaziuns quinta l'uniun tetgala dentant cun in minus da cler passa 60%.

audio
Per tadlar curt e cumpact
01:01 min, RTR Audio dals 03.03.2021.
laschar ir. Durada: 01:01 minutas.

RTR novitads 09:00;

Artitgels legids il pli savens

Scrollar a sanestra Scrollar a dretga