Siglir tar il cuntegn

Header

Ina vatga cun in vadè.
Legenda: Per ch'ils vadels sajan en futur protegids sin las alps, prevesa il chantun Grischun novas reglas per far vadè. Keystone
cuntegn

Pervi dal luf Novas reglas per far vadè sin alps

En il Grischun duain vatgas sin alps be anc dastgar far vadè, sch’ellas èn sin ina pastgira separada cun ina saiv dubla enturn. Quai prevesan novas directivas chantunalas, scriva la «Südostschweiz».

Il Grischun è l’emprim chantun che definescha sut tge cundiziuns, che vatgas pon far vadè sin alps. En avegnir è quai uschia be anc pussaivel, sche las vatgas-mamma vegnan tegnidas sin ina pastgira separada curt avant e suenter la naschientscha. Quai rapporta la gasetta «Südostschweiz» sa referind sin il veterinari chantunal, Giochen Bearth.

Las novas prescripziuns che van en vigur gia la stad 2021 han duas finamiras: dad ina vart vul ins evitar accidents cun turists e viandants. Da l’autra vart è era il vadè protegì meglier cun ina saiv dubla. Cun las novas directivas vegn sclerida era ina dumonda ch’era enfin uss anc averta: Sch'in vadè vegn stgarpà sin in pastg previs per far vadè, lura vala quai sco stgarp d’in animal da niz protegì.

Ord l'archiv:

RTR novitads 06:00

Artitgels legids il pli savens

Scrollar a sanestra Scrollar a dretga