Il Grischun investescha en staziuns per mesirar precipitaziuns, temperatura e vent sco er per sistems da preavertiment. Per quest intent contribuescha la regenza grischuna 2,32 milliuns francs per ils onns 2020 fin il 2024.
Il sistem interchantunal da mesiraziun e d'infurmaziun cumpiglia er staziuns da mesiraziun da l'Institut da naiv e lavinas a Tavau. Las datas servan sco basa per elavurar ils bulletins da lavinas. Ils sistems da preavertiment vegnan duvrads per survegliar per exempel territoris instabils sco quel a Brinzauls.
