Siglir tar il cuntegn

Header

cuntegn

Brinzauls Sajettà sin indriz da mesirar la bova

Tranter Brinzauls e Lantsch han ina u pliras persunas nunenconuschentas donnegià cun plirs sajets in indriz da mesirar la bova da Brinzauls ch’è en moviment. Daniel Albertin, il president communal da la vischnanca Albula/Alvra ha confermà ina publicaziun da la gasetta Novitats.

Avant in’emna saja in geometer vegnì attent sin il donn, perquai ch'in dals divers indriz da mesiraziun a Brinzauls n’haja betg pli emess las datas. Ussa funcziunia puspè tut sco usità, pervi da l’incap saja ina da las staziuns però stada ord funcziun per quatter dis.

La Polizia chantunala investighescha en chaussa. Persunas ch’hajan observà insatge vegnan supplitgadas da s’annunziar tar il post da polizia da Lai.

Nagina infurmaziun publica davart la bova

Pervi dal coronavirus pon las infurmaziuns publicas che la vischnanca Albula/Alvra organisescha regularmain, per il mument betg vegnir manadas tras. Sco quai che Daniel Albertin ha confermà, saja perquai l’infurmaziun ch’era planisada per ils 9 d’avrigl annullada. La populaziun vegnia però infurmada en scrit, ed era sin la pagina d’internet da la vischnanca, il link avra en ina nova fanestra ins vegnia adina infurmà davart il stan actual da la bova da Brinzauls. Tar dumondas ins possia adina sa drizzar envers la vischnanca, uschia il president communal.

RTR novitads 16:00

Artitgels legids il pli savens

Ir a sanester Ir a dretg