Er ils gronds e las grondas pon puspè laschar davent las mascrinas en scola. Quai ha decidì la regenza grischuna. A partir da glindesdi ils 12 d'avrigl 2021, na ston scolaras e scolars da la 5 e 6avla classa betg pli ir cun mascrina a scola. Quai vala per scolas ed instituziuns che testeschan regularmain.
Durant las pausas en il liber, pon scolaras e scolars da la scola populara – independent da la participaziun als tests – pigliar giu las mascrinas, sch'igl è garantida ina distanza dad 1,5 meters.
