Siglir tar il cuntegn

Header

audio
Stagiun da stad: hotellaria e Grischun vacanzas cuntents
Or da Actualitad dals 18.08.2020.
laschar ir. Durada: 2 minutas 37 Secundas.
cuntegn

Stad turistica Buna stad per il Grischun

Ils Svizzers e las Svizras han visità il Grischun – la gronda part dals hotels èn cuntents. Grischun vacanzas guarda cun plaschair enavos sin la stad.

Las regiuns muntagnardas hajan en general profità bain enfin fitg bain la stad. Quai di Martin Vincenz da Grischun Vacanzas. Quai vala er per il hotels conferma Andreas Züllig, president da Hotelleriesuisse. I dat dentant er regiuns ed en spezial lieus ch'han grondas difficultads. A Tavau e San Murezzan, che lavuran tradiziunalmain cun clientella internaziunala e Cuira nua ch'ils events gronds hajan mancà, saja la stad betg stada buna. Percunter hajan ils Svizzers scuvert autras regiuns sco per exempel la Val Müstair bilantschescha Züllig.

video
Bunas emnas da stad per turissem grischun
Or da Giuventetgna dals 18.08.2020.
laschar ir. Durada: 49 Secundas.

L'atun adina pli impurtant

Er senza corona saja ils ultims onns l'atun daventà adina pli impurtant per il turissem. Ussa en questa situaziun da malsegirtad saja da sperar che quellas bunas emnas da stad sa repetan er d'atun, spera Vincenz. La branscha en mintga cas stoppia sa preparar sin divers scenaris e la communicaziun saja uss pli impurtanta che mai, è Vincenz persvas.

RTR actualitad 07:00

Artitgels legids il pli savens