Il segund quartal da l’onn hai dà en Grischun passa 7'000 cunfinaris. Quai èn bunamain 7% dapli che durant la medema perioda l’onn passà. Passa 91% dals cunfinaris stattan en l’Italia e var 5% en l’Austria. Quai mussan las cifras provisoricas che l’Uffizi federal da statistica ha publitgà oz.
L’uffizi fa attent, ch'in grond dumber da cunfinaris ha probablamain smess da lavurar en Svizra pervi da la pandemia da corona. Intgins da quels hajan però anc adina il permiss da lavur e cumparan uschia era en quella statistica.
11,6% dapli cunfinaris en Svizra
En Svizra han lavurà en il segund quartal 332'000 persunas. Da quellas deriva la gronda part (55,2%) da la Frantscha. Er grondas parts vivan en Italia (23%) ed en Germania (18,4%). Sur ils ultims tschintg onns è il dumber creschì per 11,6%, da 297'000 il 2015 sin 332'000 il segund quartal dal 2020.