Siglir tar il cuntegn

Header

Post da cunfin a Campocologno.
Legenda: L'Italia avra ils cunfins. Per la Svizra è quai dentant anc memia baud. Keystone
cuntegn

Coronavirus L'Italia ha avert ses cunfins

Suenter bun trais mais cun restricziuns rigurusas da corona èn ils cunfins da l'Italia a partir dad oz puspè averts.

Oz mesemna, ils 3 da zercladur, ha l'Italia puspè avert ses cunfins. Persunas svizras dastgan ir en l'Italia ed er puspè turnar. Dad ir svelt sur cunfin per far cumpras resta però vinavant scumandà.

La Svizra n'avra dentant anc betg ils cunfins envers l'Italia. Ord vista svizra avra l'Italia numnadamain memia baud ses cunfins, communitgescha il Secretariat da stadi per migraziun.

La Confederaziun vul perquai far controllas pli severas als cunfins cun l'Italia ed er renviar persunas che na dastgan betg entrar en il pajais. Entrar en Svizra dastgan a partir da damaun be:

  • Cunfinaris sin via a la lavur
  • Svizzers sco er persunas da l'exteriur cun permissiun da dimora
  • Persunas da l'exteriur sin via en lur pajais da derivanza
  • Excepziuns datti per raschuns persunalas urgentas

Per tut las ulteriuras persunas restan ils cunfins da la Svizra anc serrads. Il Cussegl federal vul coordinar l'avertura dals cunfins vers l'Italia cun ils ulteriurs pajas vischins da l'Italia sco era cun ils chantuns pertutgads.

Ils cunfins cun la Germania, Austria e Frantscha duain vegnir averts ils 15 da zercladur, sch'il svilup da la pandemia lubescha quai.

RTR novitads 16:00

Artitgels legids il pli savens

Ir a sanester Ir a dretg