Siglir tar il cuntegn

Header

Duana taliana.
Legenda: L'Italia fa plans d'avrir ses cunfins gia ils 3 da zercladur per persunas da l'UE e dal spazi Schengen. Keystone
cuntegn

A partir dals 3 da zercladur Italia fa plans d'avrir ils cunfins

Persunas ord il spazi da Schengen e l'UE pudessan lura puspè entrar en il pajais. Tenor il Secretariat da stadi per migraziun da la Svizra èn planisads discurs cun l'Italia per coordinar talas schluccadas als cunfins.

L'Italia planisescha da puspè avrir ses cunfins a partir dals 3 da zercladur. Lura pudessan persunas ord la UE ed il spazi da Schengen puspè viagiar en l'Italia, senza ir per 2 emnas en quarantina, rapportan pliras medias talianas che sa basan sin tschertgels da la regenza.

Actualmain èsi pussaivel be en cas excepziunals d'entrar en il pajais. Per exempel sche burgais talians vulan returnar a chasa u sche persunas estras cun domicil en il pajais.

Italia pertutgada fermamain da Covid-19

L'Italia è pertutgada fermamain da la malsogna Covid-19. Fin uss èn mortas bunamain 32'000 persunas. Tut en tut èn passa 223'000 persunas vegnidas infectadas cun il virus. Ils dumbers d'infecziun tschessan dentant dapi pli lung temp.

Per la populaziun taliana datti actualmain anc restricziuns fitg severas pervi dal coronavirus. A partir da glindesdi che vegn vegnan quellas plaunet schluccadas.

Anc nagina data da vart da la Svizra

La cussegliera federala Karin Keller-Sutter aveva ditg la mesemna, ch'i na dettia anc betg ina data per avrir il cunfin cun l'Italia. La situaziun saja là in'autra ch'èn ils ulteriurs pajas vischins. Da schluccar ils cunfins cun l'Italia e cun ulteriurs pajais dal spazi Schengen saja in proxim pass.

video
Keller-Sutter: «Viadis en l'Italia anc betg pussibels»
Or da News-Clip dals 13.05.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga