Il chantun lubescha il zercladur 4 occurrenzas cun fin a 1'000 persunas. Igl èn quai:
- la manifestaziun cun velos «Alpen Challenge» a Lai (13-06),
- in gieu dals Calanda Broncos a Cuira (13-06),
- ina manifestaziun cun concerts da Khur.ch (24-06 – 26-06)
- ils dis da chavals a Maiavilla (24-06 – 27-06)
Tenor communicaziun da la regenza saja il Grischun in dals emprims chantuns che realiseschia tals projects da pilot per far experientschas cun realisar occurrenzas grondas en temp da corona.
Gia las radunanzas communalas da Sagogn e Calanca sajan vegnidas fatgas cun il sistem da test da Covent. Quel porschia tenor il chantun ina identificaziun da persunas clera e nun-falsifitgabla.
Occurrenzas fin 5'000 persunas a partir dal fanadur
Gia a partir dal fanadur duain lura occurrenzas cun fin a 5'000 persunas esser pussaivlas ordadora cun obligatori da seser e cun 3'000 persunas endadens. Occurrenzas ordadora, nua che seser na va betg, sco per exempel openairs, duain esser pussaivel per maximal 3'000 persunas – cun resguardar la mesa capacitad ed obligatori da mascras. Entrar pon be persunas vaccinadas cumplainamain, ch'èn guaridas u che han in test negativ. A partir dals 20 d'avust duain lura er puspè esser pussaivlas occurrenzas cun fin a 10'000 persunas.
Ord l'archiv:
La rdunanza communala a Sagogn è vegnida realisada cun agid da Covent.
