Co e cum - Tge medicament per tge?

Ibuprofen è bun cunter la fevra, il mal e cunter inflammaziuns. Ibuprofen fraina la producziun da tscherts encims. Ibuprofen po avair effects sin il magun e la digestiun. Persunas che han in sensibel magun u gnirunchels duajan pia desister d'Ibuprofen.

Acid da Acetylsalicyl è savens era enconuschent sco aspirin. La substanza gida cunter il mal, la fevra ed inflammaziuns. Acetylsalicyl ha era l'effect ch'i fa pli rar il sang. Il medicament vegn perquai magari era nizzegià da persunas che han problems cun la circulaziun dal sang. Dentant perquai na duessan ins en tschertas situaziun betg prender il medicament. Per exempel avant ina operaziun.

Paracetamol è cunzunt bun cunter la fevra ed cunter il mal. La substanza n'ha dentant nagin effect cunter inflammaziuns. Paracetamol è per regla in toc pli favuraivel che autras substanzas. Anc oz n'è dentant betg dal tut cler co Paracetamol funcziunescha precisamain. Sch'ins baiva bler alcohol duessan ins però desister da Paracetamol. Sch'ins prenda memia bler po quai avair influenza sin il dir.