Sch'ins guarda anc ina giada sin la situaziun avant las elecziuns, lura dat dentant in auter aspect en egl: anc mai hai dà tantas candidatas e tants candidats ed uschia era uschè bleras sutglistas sco anc mai. Tegnair qua la survista, chattar la dretga persuna e lura anc esser segir che la vusch giaja en il dretg lieu – per electuras ed electurs bunamain ina chaussa nunpussaivla.
Betg il davos pervi da l’effect marginal da las sutglistas sin il resultat final èsi tenor mai necessari da limitar il dumber da las sutglistas per partida. Betg la tactica da la partida duai avair prioritad, mabain il cuntegn, betg la massa dals chaus, mabain las cumpetenzas. Il suveran – e quai stuess esser en l’interess da tuts – survegniss uschia ina meglra survista sco basa da decisiun. Pertge che quel ha – er en vista als temas impurtants da la proxima perioda da legislatura – il dretg sin politicras e politichers cumpetents. Ed en l'avegnir vegni a duvrar tals pli che insacura.
Flavio Bundi
schefredactur RTR
Tge è vossa opiniun? Jau ma legrel sin il barat: flavio.bundi@rtr.ch
