Per la sanaziun da mirs sitgs en pliras regiuns dal Grischun datti il 2024 ina contribuziun chantunala da prest 600'000 francs. La Confederaziun sa participescha cun la medema summa.
En tut vegn il project a custar 2,17 milliuns francs. Radund 3,6 kilometers mirs sitgs duain totalmain vegnir sanads.
Ils mirs sitgs en il chantun han per l'ina ina valur istorica, per l'autra èn els impurtants sco nischa ecologica per divers animals pitschens, sco reptils ed insects.
