Siglir tar il cuntegn

Header

video
Bilantscha dals dis da Nadal en las regiuns da skis
Or da Telesguard dals 27.12.2023.
laschar ir. Durada: 3 minutas 11 Secundas.
cuntegn

Cumenzament da la stagiun Bilantscha dals dis da Nadal en territoris da skis

La stagiun da sport d’enviern ha cumenzà meglier quest onn che l’onn passà. Gia avant Nadal hai dà naiv ed uschia han ils territoris Scuol, Sedrun e Veulden gì buns firads.

Suenter quai ch'è stà, stuain nus esser fitg cuntents. Igl ha pluvì fin sin 2'000 meters. Nus avevan tema ch'i fetschia empaglia tut las pistas.
Autur: Roman Bernard Directur telefericas Veulden

Tranter 1'000 e 2'000 persunas hajan duvrà mintga di la sutgera a Veulden ils dis da festa. Quai èn bun 70% dapli che l'onn passà. Ed era sin l'alp Raguta, nua ch'ina uniun maina in'ustaria ed in glatsch natiral èn las fatschentas idas bain quels dis.

audio
Emprima bilantscha dals territoris da skis Veulden, Sedrun e Scuol
ord Actualitad dals 27.12.2023. Maletg: RTR
laschar ir. Durada: 4 minutas 3 Secundas.

Ed er a Sedrun ha la stagiun cumenzà bain. Silvio Schmid, mainaprojects tar l'Andermatt Sedrun Sport SA, è fitg cuntent cun la partenza. Quella saja era gartegiada pervi da l'ustaria nova che blers han vulì vesair. Uschia quinta Sedrun era per ils dis che vegnan cun in territori plain – fin 10'000 persunas sin pista per di.

Er a Scuol, en l'ustaria e bar La Palma ha la stagiun cumenzà bain. Igl ha dà naiv ed il sulegl splendura. Ils dis da festa èn stads in success.

Oz è ils 27 ed oz è garantì ina pluna glieud denturn, jau hai gia vis il parcadi giu val ed el era gia bain plain avant las 10.
Autur: Paul Renn Possessur ustaria bar La Palma Scuol

Il cumenzament da la stagiun d'enviern è damai gartegià, tant a Scuol sco er a Sedrun e Veulden. Ma insatge è cler a tut ils dumandads: Bilantscha vegn fatg a la fin da la stagiun, e fin là po anc capitar bler.

RTR Telesguard 17:40

Artitgels legids il pli savens