Siglir tar il cuntegn

Header

audio
Per tadlar: credit per Brinzauls
Or da RTR Audio dals 07.12.2022.
laschar ir. Durada: 49 Secundas.
cuntegn

Cussegl grond 40 milliuns per ralentar sbuvada da Brinzauls

Cun il nov stabiliment d'allontanar aua duai il squitsch da l’aua vegnì reducì ed il moviment dal vitg ralentà. Brinzauls ruschnia numnadamain adina pli e pli svelt – ils ultims 4 onns per passa 1 meter per onn. Quai chaschunia donns vid bajetgs ed infrastructura e fetschia a lunga vista nunpussaivel da viver a Brinzauls. Ils experts ch'han gia cun in emprim sondagi intercurì la sbuvada dal vitg èn da l'opiniun, ch'in stabiliment da allontanar aua saja la meglra schanza per il vitg da ralentar la ruschnada sin in minimum supportabel da radund 10 centimeters per onn.

Il vitg che ruschna a val duai survegnir in stabiliment per allontanar aua.
Legenda: Il vitg che ruschna a val duai survegnir in stabiliment per allontanar aua. Keystone

Cun segirezza na possian ins dentant betg dir quant grond ch'il success dal conduct da drenascha saja propi ed ins na sappia er anc betg tge che saja la lingia ideala. Tuttina ha il Cussegl grond approvà in credit da 40 milliuns francs, perquai ch'ins na po betg simplamain laschar a mez lieu la populaziun da Brinzauls – uschia il tenor. La decisiun definitiva sch'ins vul bajegiar croda lura la stad 2023.

Er la sbuvada dal culm pudess sa ralentar

Betg be il vitg Brinzauls ruschna a val, mabain er il culm sur Brinzauls. Ils experts ch'intercureschan la ruschnada na pon anc betg dir sch'il tunnel che duai allontanar l'aua pudess er ralentar la sbuvada dal culm, els supponan dentant che quai pudess bain esser pussaivel.

RTR novitads 17:00

Artitgels legids il pli savens

Scrollar a sanestra Scrollar a dretga