Siglir tar il cuntegn

Header

cuntegn

Debatta en il parlament Cussegl grond vul distgargiar famiglias e persunas spezialisadas

Famiglias e persunas spezialisadas duain vegnir distgargiadas fiscalmain pli ferm en il futur. Il Cussegl grond ha surdà in’incumbensa correspundenta a la regenza.

Che famiglias e persunas spezialisadas duain vegnir distgargiadas fiscalmain, gliez n'è betg stà dispitaivel – en dumonda è però stà il co e cum. Cunzunt la sanestra ha admonì che persunas bainstantas profiteschian da deducziuns, fertant che persunas cun bassas entradas vegnian a la curta.

Dentant er las consequenzas per las vischnancas èn vegnidas tematisadas; gea la situaziun finanziala dal chantun saja en il mument buna, quai na valia però betg per tuttas vischnancas. En consequenza stoppian ins esser attent tar tuttas adattaziuns vid la taglia.

Regenza duai sclerir levgiaments da taglia

audio
Martin Bühler: «I vegn ad esser ina sfida»
ord RTR Audio dals 13.02.2023.
laschar ir. Durada: 20 Secundas.

Malgrà quels votums or dal parlament è l'incumbensa inoltrada dal deputà Oliver Hohl (PLD) a la fin vegnida surdada cun 86 cunter 27 vuschs a la regenza. Quella è uss obligada da suttametter al Cussegl grond in project concret co quellas persunas duain vegnir distgargiadas. Per exempel entras examinar las deducziuns per uffants, las deducziuns dals custs per la tgira d'uffants u er cun analisar la progressiun fiscala.

audio
Levgiaments da taglia: discussiun cun Zanetti e Saratz
ord Actualitad dals 14.02.2023. Maletg: RTR
laschar ir. Durada: 5 minutas 48 Secundas.

RTR novitads 18:00

Artitgels legids il pli savens