Siglir tar il cuntegn

Header

cuntegn

Taglia 2023 Chargia fiscala sa reducescha levet

La chargia fiscala en ils chantuns vegn, en la media naziunala, pli leva. En la media svizra ston privats ed interpresas quintar quest onn da stuair pajar stgars mintga quart franc sco taglia a chantuns e vischnancas. L'index d'exauriziun munta a 24,3%, quai è in zic damain ch'il 2022.

L'index mussa co la forza economica vegn engrevgiada da la taglia. Pia la cumpart d'entradas, gudogn ed augment da la facultad che na stat betg pli a disposiziun per diever privat.

Grondas differenzas tranter ils chantuns

Las differenzas chantunalas èn considerablas, tenor l'Administraziun federala da finanzas. La chargia la pli leva noda il chantun Zug cun 11,1%, la pli auta il chantun Genevra cun 33,7%. La chargia fiscala dal Grischun è datiers da la media svizra: 25,7%.

RTR novitads 15:00

Artitgels legids il pli savens