Di internaziunal dad Alzheimer - Malsogna cun bleras fatschas - Novitads

Di internaziunal dad Alzheimer Malsogna cun bleras fatschas

Irene Laporte ha Alzheimer ed Annamaria Bannwart tgira ses um ch'è dement. Las duas dunnas raquintan da lur vista sin ina malsogna che sa mussa en bleras fassettas. Las dunnas raquintan da las sfidas dal mintgadi ma er da schanzas per il conturn e fan curaschi.

Autur: Tona Poltera

Irene Laporte ha Alzheimer. Cun leger e scriver ha l'anteriura magistra difficultads, er l'orientaziun tridimensiunala fa fadia ad ella. Al cumenzament ha Irene Laporte pensà ch'ella haja ina sort burnout e che tut passia suenter las vacanzas, la malsogna è dentant restada.

audio

Irene Laporte è pertutgada d'Alzheimer

ord Actualitad dals 21.09.2021.

laschar ir. Durada: 4 minutas 38 Secundas.

Annamaria Bannwart tgira ses um. L'anteriur giurist ha al cumenzament da la malsogna adina puspè manchentà l'entrada da la via. Sia dunna ch'è anteriura tgirunza ha medemamain sperà che quai saja in burnout da l'um. Cura che la diagnosa Alzheimer è vegnida sin maisa ha ella lura decidì da tgirar ses um.