Siglir tar il cuntegn

Header

cuntegn

Isolaziun Persunas cun Alzheimer han patì durant la pandemia

Per persunas dementas e persunas cun Alzheimer, è la pandemia ditg stada in grond problem. Blers pertutgads n'han betg pli survegnì visitas u be paucas, perquai che confamigliars han gì tema da periclitar pertutgads. Ussa, grazia a la virola e la fin dal lockdown, è la situaziun sa megliurada.

audio
Persunas cun Alzheimer han patì durant la pandemia
03:17 min, Actualitad dals 21.09.2021.
laschar ir. Durada: 03:17 minutas.

Sco quai che Anita Laperre, la manadra da l’organisaziun Alzheimer Grischun ha ditg envers RTR, saja surtut il temp durant il lockdown stà in grev temp per persunas dementas e persunas cun Alzheimer. Ussa, ch’il lockdown saja a fin e tgi che veglia possia sa laschar vaccinar, saja la situaziun sa meglierada. Durant il lockdown sajan bleras persunas dementas e lur confamigliars per part stads isolads. Perquai haja Alzheimer Grischun fatg blers telefons per guardar co ch’i giaja cun ils pertutgads ha ditg Anita Laperre. En il fratemp organisescha l’organisaziun era puspè il «Café Zeitlos». En differents lieus dal Grischun pon interessadas ed interessads s’inscuntrar per discutar, envidadas èn pertutgads da la malsogna Alzheimer sco era confamigliars ed auters interessads.

Legenda: Anita Laperre maina l'organisaziun Alzheimer Grischun. RTR, Federico Belotti

RTR actualitad 07:00

Artitgels legids il pli savens

Scrollar a sanestra Scrollar a dretga