Sper las malsegirtads climaticas sco temperaturas u quantitad da naiv ston las pendicularas chattar soluziuns co spargnar energia e co vegnir a frida cun ils pretschs d'energia che creschan en il cas da la Diavolezza tenor lur atgnas calculaziuns per 500%. Il contract actual da furniziun d'energia scroda numnadamain la fin da december.
Per bleras skiunzas e skiunzs è quai prest sacrosanct d'esser sin pista l'entschatta da la stagiun. Els tutgan tar ils passiunads, tar quels che na vulan betg desister da lur sport e hobi. Ils ins vulan spargnar energia en auters lieus, auters patratgan vi d'alternativas per il cas che la forza electrica vess da mancar.
