Siglir tar il cuntegn

Header

video
Instrucziun sin distanza er a las scolas autas
Or da Telesguard dals 27.03.2020.
laschar ir
cuntegn

Distance learning Las scolas autas dal Grischun èn online

Dapi che las scolas han stuì serrar lur portas, han era ils docents e las docentas da las scolas autas dal Grischun per part stuì inventà da nov lur instrucziun. Fertant che las prelecziuns online funcziunan en tscherts roms bain, è quai tar roms creativs in pau pli grev.

Tut en tut haja funcziunà

La midada sin online haja funcziunà pulit bain tar la scola auta da pedagogia e tar la scola auta spezialisada dal Grischun. Quai cunzunt perquai che omaduas scolas hajan cumenzà gia il schaner ed il favrer a sa preparar per il cass che las scolas stoppian serrar, dian ils recturs da las duas scolas.

Midada simpla per la FHGR

Damai che la scola spezialisada dal Grischun, la FHGR, ha gia daditg pliras prelecziuns online, saja la midada tenor il rectur da la scola, Jürg Kessler, stada detg simpla. Ins haja pudì midar senza interrupziun sin l'instrucziun online. Per ils studis che n'eran avant anc betg online, hajan ins gì in plan pass per pass, co che la midada duaja succeder.

Sfidas tar la SAPGR tar roms creativs

Era tar la Scola auta da pedagogia sajan ins stà preparà per quest cas. Ma tar ils roms creativs u sportivs saja la midada sin online ina gronda sfida. Annatina Dermont ch'instruescha il rom d'art textil e tecnic a la Scola auta da pedagogia, na l'emprim mument betg savì co far. Ma grazia a discurs cun ils collegas ed ideas creativas funcziunia quai entant pulit bain. Annatina Dermont accumpogna uss ils students da la SAP tras conferenzas da video durant che quels zambregian davent da chasa. Il material da zambregiar trametta ella per part schizunt a chasa als students.

E betg mo scolaras e scolars da la scol'auta han d'emprender sin distanza, er ils uffants da la scola populara. RTR ha ina purschida a posta per quests uffants.

RTR Telesguard

Artitgels legids il pli savens

Scrollar a sanestra Scrollar a dretga