Il mais d'avrigl fa enconuschentamain tge ch'el vul, ma er durant il matg resta l'aura plitost variabla.
Qua chattais Vus in'inspiraziun per il cas ch'igl è trid'aura e ch'ins resta pli gugent dadens.
Ina perla or dal archiv da RTR da 1993
Sch'ins è gugent nostalgic e resta pli gugent en ils temps vegls, è quella perla or dal archiv da RTR ideala. L'onn 1993 ha il Bogn Engiadina Scuol festivà l'avertura – e quai cun bler schlantsch.
L'ultim Rumantsch
Ina seria che funcziuna adina: L'ultim Rumantsch!
Per tuts che n'han betg gia guardà la seria da RTR ed era per tuts che han gia guardà tuttas las duas staflas.
E sche Vus avais gia guardà tut las episodas, datti era ina massa material davos las culissas:
Per gronds e pitschens
In tip forsa in pau nunspetgà è la Famiglia Babulin. Ordinà tenor idioms n'èn quels curts films betg mo adattads per ils pitschens mabain er per tut las persunas che vulan emprender rumantsch! Ed er sch'ins vul guardar plitost insatge plitgunsch lev.
La famiglia Babulin en tut ils tschintg idioms
Per ils audiophils
Per tut quels che han pli gugent podcasts vegn qua il program ultimativ per la trid'aura:
IL podcast rumantsch: Ils Dus da Nus
I va per tut e per nagut en quest podcast. Tut las episodas chattais Vus en l'audioteca da RTR.
E sche Vus avais anc adina lungurus datti il duo da Ils Dus da Nus era en versiun visibla ed era fitg divertent:
Battas?!
Il format «Battas?!» è ina show da gieu. La finamira è da gudagnar en in team da dus, cunter il duo da Ils Dus da Nus, Elias Tsoutsaisos e Marcus Petendi. I dat divers gieus da far e tgi che gudogna il cumbat, porta a chasa in premi da 400 francs.
