A Domat ha in lavurant suffrì grevas arsentadas durant la lavur en in manaschi da producziun. L'accident è capità cun lavurar vi d'in implant da producziun che funcziuna cun aua chauda. Quai ha la Polizia chantunala communitgà.
Collegas da lavur hajan tenor la communicaziun dà emprim agid ed alarmà las forzas da salvament. L'um grev-blessà saja lura vegnì transportà cun il helicopter en l'Ospital universitar a Turitg.
La procura publica e la Polizia chantunala dal Grischun examineschan l'accident pli detaglià.