Suenter che la svieuta era crudada ensemen en il segund quartal per 36%, cumpareglià cun l'onn avant, sa revegn quella puspè en il terz quartal. Sco il concern communitgescha haja la gruppa da l'Ems Chemie fatg ina svieuta da 451 milliuns francs. Quai è anc 13% damain cumpareglià cun l'onn avant.
En vista a la situaziun actuala quinta la Ems Chemie vinavant cun in resultat da concern annual sut quel da l'onn passà.
Crisa en l'industria d'autos
Guardà sur tut ils 9 mais è la svieuta da 1,3 milliardas francs per passa 22% pli bassa che l'onn avant. La Ems Chemie senta surtut la crisa tar l'industria d'autos. Quella fa ora passa 60% da la svieuta.
Ord l'archiv:
Il 2017 aveva la EMS-Chemie fatg gudogns da record.