Sviluppar l’Engiadina ad in lieu innovativ ed attractiv per abitar e lavurar – quai è la visiun da la cuminanza mia Engiadina. La societad ha purtà avant diesch onns ina rait da fibras da vaider en la val ed ha pussibilità uschia che l’Engiadina è colliada spert cun il mund.
Sulet n'avessan nus betg fatg uschè in grond svilup. Ma nus avain pudì motivar e dar vinavant noss fieu ad autras persunas ed organisaziuns. Quai ha dà quella dinamica.
La basa per lavurar vi da la visiun centrala. L’onn 2016 ha mia Engiadina realisà in coworking space a Scuol.
Center d’innovaziun per 100 milliuns francs
A La Punt Chamues-ch vegn bajegià il project central da mia Engiadina. Il center d’innovaziun Inn Hub che la societad porta ensemen cun tschintg investiders privats. Per passa 100 milliuns francs duai dar in lieu d’inscunter per coworking, economia, sport e sanadad. Per Jon Erni, l’iniziant da mia Engiadina in grond pass.
Sche tut va tenor plan, po l’Inn Hub avrir sias portas l’onn 2028.