Il tema «teater» è vegnì examinà a fund durant ils trais dis, durant discurs e preschentaziuns. A Zuoz èn s'inscuntradasscripturas e scripturs da teater per barattar las experientschas, ma era per vegnir en contact cun in vast public interessà per la cultura. Per ils organisaturs dal festival duess il «Festival Travers» daventar ina plattafurma rumantscha per preschentar oravant tut teaters e texts scenics contemporans.
Impressiuns dal festival Travers a Zuoz
-
Bild 1 von 8. Bab, siu archiv ed jeu. Lorenza Polin, Bistgaun Capaul e Lorin Könz han preschentà il toc dad Asa Hendry. Bildquelle: RTR.
-
Bild 2 von 8. Bab, siu archiv ed jeu. Il toc raquinta da l’ierta d’ina lingua fragmentada ch’in pur dat vinavant a ses figl. Bildquelle: RTR.
-
Bild 3 von 8. Asa Hendry ha gudegnà il premi 2025. Asa Hendry (entamez) curt avant la preschentaziun dal toc «Bab, siu archiv ed jeu». Bildquelle: RTR.
-
Bild 4 von 8. Las secretezzas da Susanna. Chantà e giugà da Flurin Caduff, Sara-Bigna Janett e Daniel Badilatti. Bildquelle: RTR.
-
Bild 5 von 8. Las secretezzas da Susanna. L’odur da café, l’odur d’ina cigaretta – e gia cumenza il pitschen drama. Bildquelle: RTR.
-
Bild 6 von 8. Cafè travers. Annina Sedlacek e Nikolas Stocker durant il «cafè travers». Bildquelle: RTR.
-
Bild 7 von 8. Organistaturs dal Festival Travers. Duos dals iniziants ed organisaturs; Gianna Olinda Cadonau ed Ivo Bärsch. Bildquelle: RTR.
-
Bild 8 von 8. Zuoz ha clomà e la populaziun e vegnida. Gruppa da visitaders durant il festival a Zuoz. Bildquelle: RTR.
Ina da las finamiras è da promover da scriver teaters en rumantsch. Scripturas e scripturs han gì la pussaivladad d’inoltrar in text, ina giuria ha valità e la persuna che gudogna ha dastgà preschentar ses toc durant il festival.
Bilantscha positiva tar il public ed organisaturs
Suenter la segunda ediziun dal festival è il public ed era ils organisaturs da buna speranza.
L’interess è qua, il public è qua ed era las inoltraziuns dals teaters – nus faschain enavant uschia.
Il tema «teater» vegn discutà tranter profis ed amaturs. Il festival daventa cun quai in inscunter impurtant en Grischun da persunas interessadas da teaters per sa barattar e chattar novas ed interessantas colliaziuns per promover il teater rumantsch.