Di e notg e quai durant 24 uras stattan els a disposiziun en cas d'accidents u retschertgas en las muntognas grischunas. Da quels 1'200 surmenziunads fan part dapi l'onn 2020 er 400 commembers d'emprim agid «first responders+» al salvament alpin grischun.
Ils commembers e las commembras ston esser conscients ch'els vegnan clamads era durant in bel siemi a mesanotg.
Alice Vollenweider è dapi il matg 2024 presidenta da l'organisaziun. Ella abita a Sent e lavura sco veterinaria en Engiadina. Sco alpinista e chatschadra è quai per ella ina gronda motivaziun da pudair manar ina tala organisaziun.
20 onns salvament alpin Grischun
Durant ils davos 20 onns è l'organisaziun vegnida digitalisada dal tuttafatg. Pli baud stuev'ins tut organisar cun il telefon, oz funcziuna quai tut cun in'app en collavuraziun cun la polizia chantunala e la Rega.
Salvament alpin Grischun
-
Bild 1 von 5. Alice Vollenweider, presidenta dal salvament alpin Grischun. Bildquelle: Alice Vollenweider.
-
Bild 2 von 5. Commembers durant ina acziun da lavina. Bildquelle: Alice Vollenweider.
-
Bild 3 von 5. Specialists cun chauns da lavina. Bildquelle: Alice Vollenweider.
-
Bild 4 von 5. Commembers e commebras en viadi en las muntognas. Bildquelle: Alice Vollenweider.
-
Bild 5 von 5. Specialists da canyoning en acziun. Bildquelle: Alice Vollenweider.
Ils commembers e las commembras investeschan uras ed uras per questa organisaziun e quai è grondius.
Ils 15 da november ha lieu la festa da giubileum a Puntraschigna, nua ch'ils commembers da la Rega, dal salvament alpin svizzer ed er da l'uffizi da sanadad dal Grischun vegnan ad esser preschents.