Dapi passa 250 onns vegn festivà il «chant da legrezza» ad Ardez, quest onn cun tut la populaziun. Da plazza a plazza tras la vischnanca d’Ardez chantond chanzuns.
La simbolica era oravant tut per che las giuvnas e giuvens vegnan ensemen.
In nov impuls per mantegnair la tradiziun
Ils davos onns sa participavan adina damain giuvnas e giuvens als trais dis da chant cun il num «chant da legrezza». Ussa han els envidà tut la populaziun da vegnir a chantar.
Quest project cun tut la populaziun ha segirà success era en avegnir.
La tema che la tradiziun va en emblidanza era gronda, ina tradiziun che vegn festivada dapi passa 250 onns ad Ardez. Adina ils davos dis da l’onn vegnan chantadas trais chanzuns. La giuventetgna emprenda quellas e las generaziuns pli veglias enconuschan quellas anc fitg bain.
In cor da radund 30 persunas è sa participà a l'emprima saira tras la vischnanca. La giuventetgna è fitg cuntenta dal sustegn e sperescha uschia da mantegnair questa bella tradiziun.
Chant da legrezza ad Ardez
-
Bild 1 von 6. Tras la vischnanca da plazza a plazza. Bildquelle: RTR.
-
Bild 2 von 6. Radund 30 persunas chantan cun plaschair. Bildquelle: RTR.
-
Bild 3 von 6. Durant duas sairas vegn chantà ad Ardez. Bildquelle: RTR.
-
Bild 4 von 6. Sin mintga plazza principala vegn chantà. Bildquelle: RTR.
-
Bild 5 von 6. Giuven e vegl chantan da cumpagnia. Bildquelle: RTR.
-
Bild 6 von 6. Da cumpagnia tras la vischnanca d'Ardez. Bildquelle: RTR.