Il project da chanzuns da Daniel Manzoni duai esser in plaschair per scolas e scolinas per emprender e mantegnair il rumantsch.
El sez ha schon fatg pliras chanzuns, questas per il project «Arumballabum» ha el cumenzà a scriver avant 10 onns. Sur in onn registreschan uss 25 persunas las chanzuns en divers studios, tranter auter era en chasa RTR.
Las chanzuns vegnan chantadas da mussaders da scolina e da magistras. Quai saja intenziunadamain uschia che betg profis chantan, entras quai na saja quai betg artifizial.
-
Bild 1 von 2. Noemi Ciapponi suna il clavazin e chanta en intginas chanzuns per rumantsch, era sch'ella discurra en sasez talian. Bildquelle: RTR.
-
Bild 2 von 2. Avant che las chantaduras van en il studio chantan tuts ensemen. Bildquelle: RTR.
Las persunas d’instrucziun stiman questa purschida, perquai ch'i na dat betg fitg bleras chanzuns rumantschas per duvrar en scola. Cun 90 chanzuns vegnan ellas ad avair ina gronda schelta tar tut divers temas.
Jau dovr mintga di da questas chanzuns en scolina. Ellas èn fitg impurtantas cun quai ch’ils uffants na creschan betg pli si tuts cun rumantsch.
Per far quest project ha Daniel Manzoni survegnì sustegn finanzial da diversas instituziuns, tranter auter la regiun Malögia e differentas vischnancas. Actualmain han els in budget da 90’000 francs.
Tut tenor sco che quai va si pon las chanzuns vegnir duvradas gratuitamain u ch’ins sto pajar. Sche tut va tenor plan, alura duessan tut las chanzuns esser registradas enfin zercladur 2026.