Siglir tar il cuntegn

Header

cuntegn

Baselgia refurmada Ardez na vul naginas fanestras da Not Vital

Dacurt haja la radunanza da la plaiv Ardez-Ftan-Guarda refusà il regal da l’artist, quai scriva la Südostschweiz sin sia pagina. Tenor il president da la plaiv, n’hajan las fanestras betg plaschì a la maioritad da la cuminanza parochiala. Els sajan stads da l'avis che las fanestras da l'artist cun scrottas da naiv na fissan betg adattas per la baselgia gotica. Ins pudess era survegnir l'impressiun ch'i avess l'entir onn naiv en baselgia. Ultra da quai saja la baselgia sut protecziun da monuments e la lubientscha da la protecziun da la patria na dettia quai era betg.

Fanestras cun «finas scrottas da naiv»

La stad passada aveva Not Vital exponì lavurs da vaider sut il titel «Snow». Quellas sajan stadas ina sort preavis. Sco la curatura Giorgia von Albertini aveva declerà da quel temp vuleva l’artist Not Vital regalar las fanestras cun «finas scrottas da naiv» a la baselgia refurmada.

Ord l'archiv

En incumbensa da la possessura dal «Muzeum» a Susch ha l’artist Not Vital laschà realisar ina tur da marmel da 30 tonnas.

video
Not Vital e la «Tuor per Susch»
Or da Giuventetgna dals 03.07.2020.
laschar ir. Durada: 1 minuta 53 Secundas.

RTR novitads 12:00

Artitgels legids il pli savens