Fraesy Föhn chamina quest’onn a pèr ed a pass cun Claudio Duschletta. Il motiv, el surprenda a partir dal settember il presidi dal Bikemaraton enturn il Parc Naziunal. L’um da 55 onns abita a Rapperswil. Da professiun è'l revisur da quints. Plinavant ha el fundà durant corona ina firma che sa fatschenta cun events e management da sportists.
Mia dunna ed jau ans chattain enorm bain qua. A nus plascha la mentalitad engiadinaisa.
Claudio Duschletta chala suenter 6 onns
Suenter 6 onns fetschia in midament dal presidi segir bain. Plinavant spetgan gronds projects en sia professiun sco directur dal Bogn Engiadina Scuol, di Duschletta. Las circa 200 uras che in president dal comité sto investir per organisar quest grond event vul el ussa per part era investir en l'ir cun il bike. Sia finamira è da vulair sa participar il proxim onn sco curridur. Claudio Duschletta surdat la batgetta a Freasy Föhn suenter il debriefing la fin dal settember.
Or da l'archiv
