Il giuven musicist Luis Baumann da Schlarigna ha fatg part als curs da maisters durant la 14avla Brassweek ch'ha lieu quest’onn dals 28 da zercladur fin ils 5 da fanadur. Gia divers onns fa el part a l’occurrenza cun ses instrument: il corn.
91 participants e participantas da 18 naziuns fan part als curs da maisters. Ils 20 docents e docentas èn engaschads mintga di cun dar ils curs, e tschertinas dad ellas dattan era concerts las sairas da l’occurrenza, di il responsabel da l’organisaziun Anton Ludwig Wilhalm.
La fin da l’emna cun la schanza da mussar l’emprais
Las participantas ed ils participants dals curs da maister dentant èn vi da filar vi da lur abilitad cun l'instrument, e pon mussar la fin da l’emna il resultat da l’emprais. Sco Luis Baumann che po prender cun el l’experientscha pli profunda da ses hobi predeletg: far musica cun ses corn.
Impressiuns dal curs da maister per il corn
-
Bild 1 von 6. Durant il curs cun il professer da musica Raimund Zell emprenda Luis Baumann a sunar meglier ses instrument. Bildquelle: RTR.
-
Bild 2 von 6. Bildquelle: RTR.
-
Bild 3 von 6. Bildquelle: RTR.
-
Bild 4 von 6. Bildquelle: RTR.
-
Bild 5 von 6. Bildquelle: RTR.
-
Bild 6 von 6. Bildquelle: RTR.