Siglir tar il cuntegn

Header

video
Bunas premissas per ils bulieus
Or da Actualitad video dals 15.08.2021.
laschar ir
cuntegn

Bulieus Controllas garantidas era en avegnir

L’unic post da controlla en Engiadina ha in successur. Ils davos 40 onns ha Men «Funghi» Bisaz fatg las controllas, ussa surprenda Raffaele Greco las controllas en il Grischun dal Sid.

Men Bisaz è stà 40 onns controllader da bulieus, perquai vegn el er numnà Men «Funghi». Suenter quatter decennis chala el e surdat ses job a Raffaele Greco ch'è er fascinà dals bulieus. El daventa nov controllader da l'Engiadina, Val Müstair e las Valladas dal sid.

audio
Bulieus: Raffaele Greco il nov controllader da bulieus in Engiadina
02:50 min, Actualitad dals 18.08.2021.
laschar ir. Durada: 02:50 minutas.
audio
Bulieus: Men «Funghi» chala suenter 40 onns sco controllader
03:01 min, Actualitad dals 18.08.2021.
laschar ir. Durada: 03:01 minutas.

Las premissas èn bunas

Dapi ils 11 d'avust èsi danovamain permess dad ir per bulieus en Grischun. Grazia a la plievgia intensiva ha cumenzà la stagiun fitg bain en tut las regiuns dal Grischun.

Per far gia ussa prognosas per il rest da la stagiun saja massa baud, manegia Raffaele Greco, spezialist da bulieus. Perquai che bulieus na dovran betg be plievgia, mabain era temperaturas agreablas. Quellas pon svelt sa midar di l'expert.

Tenor Men Bisaz, controllader da bulieus, datti radund 750 differentas sorts da bulieus en Engiadina. Da quels è radund in terz mangiabel, dus terzs pon chaschunar problems e na gustan e 14 èn perfin da tissi.

Perquai recumanda el da laschar controllar la racolta en in dals 12 centers da controlla en Grischun. Las controllas èn gratuitas.

En Grischun valan las suandantas prescripziuns:

  • 1.- 10. da mintga mais scumond da bulieus
  • Max. 2 kg per persuna a di
  • Max. 3 persunas pro gruppa
  • Devastar aposta bulieus è scumandà  

Ord l'archiv

RTR actualitad 07:00

Artitgels legids il pli savens

Scrollar a sanestra Scrollar a dretga