Siglir tar il cuntegn

Header

cuntegn

Butia a Valsot La butia a Ramosch resta averta per ulteriurs dus onns

Suenter la desditga dal possessur han ins uss chattà ina schliaziun – la butia dal vitg resta averta durant ils proxims dus onns.

La societad «butia Ramosch» ha finalmain chattà ina schliaziun per la butia dal vitg – e quai ensemen cun l'anteriur ambassadur e cusseglier naziunal, Tim Guldimann. El ha ramassà tar la populaziun suttascripziuns per vegnir a savair, quant grond che l'interess è per mantegnair la butia da vischnanca.

Il resultat da las tractativas è uss sin maisa. Il possessur da las localitads Anton Häfner è pront da dar a fit enavant la butia enfin la fin da mars dal 2023.

audio
Butia a Ramosch resta enavant averta per duos onns
ord Actualitad dals 27.01.2021. Maletg: RTR, Georg Luzzi
laschar ir. Durada: 2 minutas 31 Secundas.

Butia en la scola

Ponderà vegn il mument da transferir la butia pli tard en la chasa da scola da Ramosch. La scola da Valsot prevesa da far midada cun tut las classas en la fracziun da Strada. En la scola da Ramosch ins vess bler spazi. La societad «Butia Ramosch» e in tractativas cun la vischnanca da Valsot.

RTR actualitad 11:00

Artitgels legids il pli savens