Siglir tar il cuntegn

Header

video
Bleras gidan per far midada da la butia dal vitg
Or da Telesguard dals 23.03.2023.
laschar ir. Durada: 4 minutas.
cuntegn

Butia dal vitg Ils Ramoschans e las Ramoschanas fan midada

Oz è il di da la midada da la butia en las novas localitads sin la plazza da scola, diversas e divers abitants gidan.

La radunanza communala da la vischnanca da Valsot aveva consenti il 2021 in credit dad in milliun francs per fabritgar in nov object per la butia.

Il nov bajetg fabritgà sin plazza da scola è ussa pront per far la midada. Sper la butia datti er in café. Bleras gidantras e gidanters da la populaziun da Ramosch gidan ussa a far la midada da las localitads anteriuras en il nov bajetg.

Difficultads cun la localitad veglia

Dal 2019 aveva la famiglia Häfner, che manava la butia a Ramosch communitgà da serrar causa pensiun. Els han surdà la butia a Wanda Hopmann. Pervia da differenzas tranter il possessur da l'object e la manadra da butia han ins finalmain stuì tschertgar novas localitads.

La nova butia amez la fracziun da Ramosch prevesa d'avrir sias portas ils 25 da mars.

audio
La midada da la butia da Ramosch
ord Actualitad dals 22.03.2023. Maletg: RTR
laschar ir. Durada: 7 minutas 16 Secundas.

RTR actualitad 11:00;

Artitgels legids il pli savens